sru:version: 1.2; sru:query: fcs.rf="mecmua.2_166"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.2_166"; sru:baseUrl: ; fcs:returnedRecords: 1; fcs:duration: PT0.023S PT0.027S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.2_166</phrase></query>)];

risāle‑i manẓūme min esmāʾi l‑ḥüsnā

hezec: mefāʿīlün ‑mefāʿīlün ‑ feʿūlün

Zehī ṣāniʿ ki açdı bāb‑i inʿām Vücūda geldi Ādem nice enʿām
Çü geydi her biri bir dürlü heyʾet Şu heyʾet üzre ister dürr‑i ḥikmet
Düzetdi qudreti biñ dürlü ḥayvān Ve‑līkin zübdesi oldı bu insān
Vėrildi Ādeme luṭf‑ile idrāk Anuñ‑çün oldı ġayrīden bu derrāk
Ki vėrdi ġayre nisbet qadr‑i aʿlā Mükerrem eyledi bildürür esmā

şerāiṭ‑i uṣūl ve esmā‑i şerīfe

Budur evrādı cümle enbiyānuñ Daḫı gelmiş gelecek evliyānuñ
Qamu ümmet olanlar Muṣṭafāya Ki qāyillerdür esmā‑i ḫudāya
Müʾes̱s̱erdür velī teʾs̱īr güçdür Niçe şerḥ ėdeyüm taqrīr güçdür
Meger ol vaqt ėdem şerḥ ü taqrīr Müvāfıq düşe bu tedbīre taqdīr
Ezelde her ne resm oldıysa anda O(l)dur taḥrīr olan elfāẓ bunda
Müyesser ėtdügi deñlü ḫudānuñ Dėrüm luʾluʾ ṭaqına gūş‑i cānuñ
Şerāyiṭden fevāyidden ne‑kim var Ėdelüm iqtidār olduqça iẓhār
Olar kim isme meşġūl olmaq ister İcāzet‑içün gerekdür aña rehber
Eger rehber yoġ‑ise çekmesün ġamm Dėsün ol ibn ʿĪsādan mecāzum
Alub ăb‑dest iki rekʿat namāzı Nevāfilden qılub ėtsün niyāzı
Yedi kerre gerekdür nefī vü is̱bāt Aʿūẕu besmele sebʿ ṣalavāt
Yüz iḫlăṣ fātiḥa ṭoqsan ṭoquzdur Hemān bir āyetü l‑kürsīle yüzdür
Gerek yāy‑i nidā ism evveline Telaffuẓdan tażarruʿlar biline
Tamām oldı şerāʾiṭ kehr fevāʾid Murăd qanġı ise olsun mücāhid